Dy vjet pas pandemisë rrugët e Gjirokastrës janë populluar nga turistët.
Blerim Kore, drejtori i turizmit thotë se ky vit ka sjell një numër më të lartë të vizitorëve.
“Nga fillimi i vitit janë rreth 15 mijë turistë vendas dhe të huaj që po vizitojnë vlerat natyrore e kulturore të Gjirokastrës. Ne kemi rritur numrin e guidave përsa i përket itenerareve. Kemi disa guida interesante të cilat kanë të bëjnë me vlerat e veprës së Kadaresë. Kemi një guide të quajtur “Kadare”, stacionet e së cilës janë veprat që përmenden në krijimtarinë e Kadaresë. Një tur interesant është edhe ai rreth kalasë. Guidave i janë shtruar edhe rrethinat, përsa i përket agroturizmit”, tha ai.
Shifrat janë premtuese, por Kristina Fidhi drejtuese e Visit Gjirokastra thotë se qyteti nuk ka kapacitetet të nevojshme akomodimi.
‘Do të duhet të përgatitemi për numra më të mëdhenj për të cilët kapacitet e rajonit lënë për të dëshiruar. Nëse do kishim fluksin që këto kompani pretendojnë se do t’i qasen Shqipërisë, po iu them se rajoni është ende i papërgatitur për t’i pritur ato, qoftë në kapacitet akomoduese, qoftë në aktivitete, qoftë në guida dhe për më tepër kur na ofrohen tregje të tilla nuk bëhet fjalë për turizëm sporadik si ky që po shihni në Pazar që lidhet me vizitor një ditor, bëhet fjalë për njerëz që duan të qëndrojnë më shumë se 5 apo 7 ditë në rajon.”
Operatorët turistik ankohen për infrastrukturën, që nuk ka ndryshuar dhe krijon vështirësi për lëvizjen e turistëve.
“Pjesa që ankohen më shumë turistët është infrastruktura e qytetit tonë, e cila nuk të jep akses për të ardhur. Turisti është i detyruar që të vijë nga atje poshtë me valixhen, një pjesë janë dhe në moshë të thyer, ky është një problem për turistët. Edhe shtëpitë muze mbyllen shpejt. nëse një turist vjen pasdite, nuk ka askses dhe kjo është për të ardhur keq”, tha ai.
Kristina shprehet se shqetësim për bizneset është kualifikimi i stafeve.
“Kemi problemin shumë madhor të stafeve që do të duhen të edukohen. stafet në akomodim, guidave të cilat mungojnë, sidomos ato të bujtinave që lidhen me biznese familjare, do të duhen të edukohen si duhet, sepse shërbimi që mund të ofrojnë mund të jetë shumë amator’, tha ajo.
Vjosa Sherifi është një sipërmarrëse e re në këtë qytet. për të ky hap i ri në biznes, nuk i lehtë.
“Sezoni i beharit do na japi mundësi të ngrihemi. Pastaj është pak ndryshe këtë vit. qoftë me çmimet që janë rritur, investimi që u bë. Të gjitha patën kosoto të lartë. Edhe furnizimit janë me kosto të lartë”, tha Sherifi.
Destinacioni kryesor për vizitorët është kalaja. Turistë vendas e të huaj shfaqin interes për historinë e qytetit të Gjirokastrës./ ABC
