Një 53 vjeçar nga lagjia ‘Zinxhira’ në Gjirokastër, pasi i ka vënë flakën shtëpisë, më pas është vetëvarur në një përrua në lagjen ‘Manalat’. Burime të policisë konfirmuan ngjarjen tragjike, por nuk kanë dhënë ende hollësi për rrethanat dhe shkaqet. Bëhët fjalë për shtetasin me inicialet A.V, 53 vjeç, me banim në lagjen ‘Zinxhira’. Ai është gjendur i vetëvarur nga policia në afërsi të ish-banesës në lagjen ‘Manalat’ pas njoftimit të banorëve.
Në vendngjarje në Zinxhira ka shkuar skuadrat e shërbimit Zjarrfikës që ndërhynë duke e shuar zjarrin. Ndërkohë policia që është njoftuar për zjarrin ka vazhduar të kërkojë personi që dyshohej si zjarrvënës. Viktima është gjendur i vetëvarur në Përroin e Manalatit dhe më pas trupi është transportuar për në morgun e Spitalit rajonal të Gjirokastrës. Policia nuk është prononcuar për shkaqet e ngjarjes tragjike. Por sipas banorëve viktima vuante nga depresioni për shkak të gruas së tij të sëmurë në Greqi.
