Sot është zgjedhur kryetari i ri i PD-së në Tepelenë. Ai është Ladi Bana, me profesion mësues dhe ish-kryetar i PD-së në fshatin Nivicë. Si për ta bërë më qesharake dhe për të treguar së në fakt ishte një garë farsë, rivali i tij Myrto Tafilaj ka marrë vetëm 2 vota nga 61 delegatë me të drejtë vote.
Gjithë votat e tjera i ka marrë Bana. Ky i fundit është sjell në vëmendje të publikut gjatë një përplasje mes Tritan Shehut dhe Edi Ramës.
Kur kryeministri ishte në Nivicë gjatë zgjedhjeve të vitit 2017, u shfaq në kamera me një burrë i cili deklaroi se ishte kryetari i PD-së në atë fshat dhe do të votonte për PS-në. Por menjëherë pas kësaj reagoi Shehu, i cili mohoi që personazhi krah Ramës të ishte kreu i PD Nivicë.
“Z.Rama vazhdon me “shakate” e tij pa kripe ne krah te disa bufoneve. Ne Nivice te Tepelenes prej kohesh drejtues i PD eshte Z.Ladi Bana. Z. Rama le te emeroje kryetaret e PS, ata te PD ka se kush i zgjedh! Nuk eshte serioze per nje Kryeminister nje “shoë” i tille aspak dinjitoz!”, shkruante Shehu në Facebook.
©ArgjiroLajm.net
