Shqipëria do të luajë sot ndeshjen e parë miqësore nën drejtimin e trajnerit Rolando Maran. Kuqezinjtë do të zbresin në fushë në orën 20:00 ku do të përballen me Izraelin, në një sfidë mjaft delikate për Shqipërinë që vjen në një moment të vështirë.
Eliminimi në “play off ” të Kupës së Botës ka lënë një shije të hidhur, çka solli edhe largimin e trajnerit Silvinjo. Me emërimin e Maran në krye të stolit kuqezi, synohet që kuqezinjtë të rikthehen te rezultatet pozitive, teksa ka edhe Ligën e Kombeve, aty ku do të tentohet rikthimi në Ligën B pas zhgënjimit që ishte vitin e shkuar. Për këtë takim, pritet një numër i ulët i tifozëve, teksa vetëm kati i parë pritet të ketë disa tifozë ndërsa kati i dytë, me shumë gjasa nuk hapet.
NDESHJA- Kombëtarja e Shqipërisë ka zhvilluar deri më tani gjashtë përballje ndaj Izraelit, me bilancin që favorizon kundërshtarët, teksa kjo do të jetë ndeshja e shtatë mes tyre. Në këto ndeshje, kuqezinjtë kanë regjistruar dy fitore dhe katër humbje, ndërsa nuk është shënuar asnjë barazim. Izraeli ka realizuar në total 9 gola, kundrejt 6 të Shqipërisë. Historia e përballjeve nisi në kualifi kueset e Kupës së Botës 2018. Ndeshja e parë, e luajtur në nëntor 2016 në Shqipëri, u fitua nga Izraeli me rezultatin 3-0.
Megjithatë, kuqezinjtë reaguan fuqishëm në takimin e kthimit, duke triumfuar 3-0 në transfertë në qershor 2017, një nga fi toret më të rëndësishme të asaj fushate. Dy skuadrat u përballën sërish në edicionin e parë të Ligës së Kombeve në vitin 2018. Shqipëria fitoi 1-0 në shtëpi falë një paraqitjeje solide, por Izraeli mori revanshin një muaj më vonë duke fituar 2-0 në tokën e vet. Natyrisht, në këtë miqësore do të tentohet fitorja jo vetëm për statistikë por edhe për të pasur një nisje të mbarë me trajnerin e ri në krye të skuadrës sonë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
