Futbollisti Edison Ndreca ka zhvilluar një sezon mbresëlënës me Egnatian, dhe për këtë fakt, ai po kërkohet në futbollin ukrainas.
Gjithashtu për të ka trokitur edhe klubi i Ballkanit në Kosovë, që është gati të kënaq kërkesat financiare të presidentit Demrozi shkruan Ora News.
Egnatia fitoi titullin kampion për herë të parë në histori dhe Edison Ndreca ka luajtur një rol të rëndësishëm në ekip për arritjen e këtij objektivi.
Por edhe në finalen e Kupës së Shqipërisë, Ndreca shënoi golin e vetëm të fitores kundër Kukësit duke spikatur me lojën e tij.
Menaxherët e futbollit duke parë formën e shkëlqyer të mbrojtësit të linjës së majtë, duket se duan ta transferojnë në një kampionat të huaj.
Tashmë Ukraina është pista e re për Ndrecën, por klubi që dëshiron shërbimet e laçjanit mbahet “top sekret”.
Ndreca ka edhe një vit kontratë me Egnatian, dhe president Agim Demrozi duhet ta blindojë, që të mos i shpëtojë nga duart një lojtar i nivelit të lartë.
Pikërisht për këtë lojtar ka interesim e edhe nga Liga e Parë turke, në të cilën aderojnë shumë futbollistë shqiptarë që kanë qenë pjesë e futbollit tonë.
Madje historia e merkatos për mëngjarashin nuk ndalet këtu, pasi një ekip shqiptar jashtë Shqipërisë, ka një ofertë për Ndrecën.
Në ditën në vijim do të duket qartë se çfarë do të ndodh me 29-vjeçarin, i cili projektohet si lojtar i rëndësishëm i kampionëve të rinj, për garat evropiane, pasi Egnatia do të marrë pjesë në eliminatoret e kompeticionit të rëndësishëm Champions League.
