Një ngjarje e rëndë ka ndodhur mbrëmjen e sotme në Korçë. Burime nga policia kanë zbardhur detajet e reja në lidhje me këtë ngjarje që ka sjellë dy viktima. Nga të dhënat e para, dyshohet se personi i cili u gjet i pajetë në lagjen numër 10, pranë një hoteli kishte qëlluar veten me armë, duke i dhënë fund jetës.
Por para se të qëllonte veten, ai kishte qëlluar me armë ndaj një tjetër personi, i cili u gjet në gjendje të rëndë, po aty.
Ky i fundit edhe pse është dërguar në spital, nuk ka mundur që t’u mbijetojë plagëve të rënda. Edhe ai ka humbur jetën, duke sjellë dy të vrarë këtë mbrëmje në Korçë.
