Specialistja e parashikimit të motit, Mimoza Demiri ka deklaruar se nuk është ende java e duhur për t’u ankuar për vapën.
Kjo pasi ajo paralajmëron se duke nisur nga java që vjen do të ketë rritje graduale të temperaturave.
Gjatë një interviste televizive, Demiri theksoi se temperaturat maksimale në vendin tonë do të kapin shifrën 44°C.
“Prej disa ditësh vendi ynë është përfshirë nga i nxehti afrikan. Më të larta temperaturat janë regjistruar në Gjirokastër dhe Elbasan. Prej javës që vjen do të ketë rritje graduale të temperaturave. Nesër pretendojmë të kapim vlerën 40 gradë, deri të enjten do të arrihen temperaturat 41 dhe 42 gradë celsius. Duke hyre nga e enjtja do të hyjmë në një masë më të nxehtë. Gjë që pretendojmë te kemi temperatura 43 dhe 44 gradë. Në pjesën më të madhe të territorit do të jenë mesatarisht mbi 40 gradë. Mund të ketë vranësia të pakta në zonat malore po shumë pak sepse kryesisht moti do të jetë i kthjellët.”- thotë specialistja.
