Gjatë një takimi me fermerët në Durrës kryeministri tha ndër të tjera se sot ka ndalur pjesa më e madhe e punëve publike në vend për shkak se lufta në Ukrainë ka rritur shumë edhe cmimin e hekurit.
“Sot, në Shqipëri kanë ndaluar pjesa më e madhe e investimeve publike dhe private: Sepse hekuri ka shkuar trefish. Pse ka ndodhur kjo? Sepse kontratat tona janë me çmimin e hekurit tre herë më pak. Hekuri është themelor në ndërtim. Dhe tani që të vazhdojnë ata, na thonë që s’mund të zbatojnë kontratën ndërkohë që është trefishuar çmimi për shkak të luftës. Çfarë duhet të bëjmë ne? Të shtojmë financat apo të themi stop deri sa të mbarojë kjo situatë. Ka shumë që thonë të lem investimet, por kjo çon shumë njerëz pa punnë në shtëpi dhe humbje nga taksat”, tha Rama.