Robert Aliaj ka kritikuar disa herë median shqiptare në emisionin “Refleksione”. Përveç “mëkateve” se i shpërben politikës dhe interesave të ngushta të një grupi individësh, Roberti foli edhe për ata të famshëm që promovon media.
Me një ton ironik Roberti theksoi se ne po shesim dhe po prodhojmë njerëz publik, celebritete, pa fund, më shumë sesa domate. Aliaj tha se celebritetet shqiptarë janë jashtëqitja e kombit në mënyrën më eksplicite. Ai nuk e përjashtoi as veten duke thënë se ajo gjë që po bëjmë është e gabuar.
“Ne po shesim dhe po prodhojmë njerëz publik, celebritete, pa fund, më shumë sesa domate. Kemi domate maqedonase, pra nuk kemi asnjë prodhim shqiptar. Ama prodhim shqiptar kemi vetëm celebritetet shqiptarë, që janë jashtëqitja e kombit në mënyrën më eksplicite. Mund ta them pa u penduar fare, pendohem vetëm që jam pjesë e asaj.
Nuk dua ta largoj veten, mundohem që të bëj maksimumin tim për të thënë se kjo që po bëjmë është e gabuar. Nis nga vetja ndryshimi. Ndaj e fus veten në këtë vorbull. Pasi të gjithë presin një fjalë që thotë celebrity, dhe idhulli shet vetëm jashtëqitjen e vet në mënyrë të paturpshme dhe televizionet sigurisht i shërbejnë duke e transmetuar.
Në këtë sens mediat u bënë armë nukleare, destruktive për nivelin e shqiptarëve. Për niveli. Kulturor njerëzit në përgjithësi kanë humbur interesin, pasi njerëzit duan më shumë të vdesin sesa të ikim, sepse nuk kanë më shpresë.
Dhe dalin këta UFO-t, nuk ka vetëm UFO mediatik por edhe politik. Këta japin qese me shpresë,si një paketë që nuk zgjat më shumë se tre orë, pastaj pas racionit duhet të mbyllësh mirë brimat e çadrës se futet era se nuk ka ngrohje,” deklaroi mes të tjerash Aliaj në emisionin “Refleksione”.
