Forcat e Ndërhyrjes së Shpejtë janë duke zhvilluar një operacion në Sarandë. Argjirolajm.net mëson se janë të paktën 10 persona të ndaluar. Operacioni ka për qëllim ndalimin e personave që merren me shitjen e drogës si dhe arrestimin e atyre që janë në kërkim.
FNSH është duke zhvilluar një operacion blic në qytetin e Sarandës dhe ende nuk jepen detaje zyrtare nga Policia e Shtetit. Argjirolajm.net mëson se për 2 nga 10 të shoqëruarit, është lëshuar urdhër arresti. Dyshohet se ata janë të përfshirë në trafikun ndërkombëtar të lëndëve narkotike.
“Bëhet fjalë për persona me rrezikshmëri të lartë”, thonë burime policore. Për operacionin janë angazhuar edhe drejtues të Policisë së Shtetit në Tiranë.
Operacioni po zhvillohet nga FNSH-ja e Fierit, ndërkohë që janë të angazhuara edhe forca të policisë në Komisariatin Sarandë.
