Policia ka sekuestruar ditën e djeshme 517 kg lëndë narkotike Cannabis Sativa kërcej e gjethe, si dhe 1440 fishekë luftarakë.
Policia bën me dije se pasi kishte marrë informacion se Neim Bishani dispononte lëndë narkotike në banesën e tij në fshatin Zhapokikë, Memaliaj, ka organicuar një operacion për kapjen e tij.
Si rezultat i operacionit, nga kontrolli i ushtruar në këtë banesë, në afërsi të banesës u gjetën 60 thasë me lëndë narkotike Cannabis Sattiva kërcej e gjethe, si dhe 1440 copë fishekë luftarakë.
Pesha totale e lëndës narkotike rezultoi 517 kg, ndërsa ajo u sekuestrua në cilësinë e provës materiale.
Ndërsa, është vënë në pranga Neim Bishani, 54 vjeç, banues në fshatin Zhapokikë, Memaliaj, për veprat penale “Prodhim dhe shitje e lëndëve narkotikëve” dhe ” Prodhim dhe mbajtje pa leje e armëve luftarake dhe municionit”.
Po ashtu, mësohet se ka nisur procedim penal në gjendje të lirë për Q.R, (Kryeplak i fshatit Zhapokikë) 63 vjeç, banues në fshatin Zhapokikë, Memaliaj, për veprat penale “Moskallëzim i krimit” dhe “Shpërdorim detyre”