Një sherr mes shqiptarësh për motive ende të paqarta ka përfunduar në tentativë për rrëmbimin e një të mituri në Zakynthos të Greqisë.
Policia greke ka marrë një telefonatë ditën e djeshme rreth orës 16:31 për një debat mes disa personave në rrugën “Yfantourion” në Zakynthos.
Pasi shkuan në vendngjarje efektivët e policisë ndaluan shtetasin A.S, 37 vjeç nga Patosi, drejtues i mjetit “Fiat” me targa ZAE1936 e cila kishte xhamat e thyer.
Gjatë marrjes në pyetje në vendngjarje, ai ka deklaruar se përballë farmacisë që ndodhet aty pranë, shtetasi A.R, 41 vjeç, i ka bllokuar rrugën me automjetin e tij dhe pasi e ka fyer nga brenda mjetit, ka dalë menjëherë dhe duke iu afruar, ka thyer xhamat anësore dhe të pasme të mjetit të tij dhe e ka goditur me qytën e pistoletës në pjesën e pasme të kokës.
A.S ka reaguar me një mistri ndërtimi që kishte në makinë dhe ka goditur A.R në kokë, ndërsa kapi pistoletën dhe e hodhi.
Nga një hetim dhe mobilizimi i menjëhershëm i policisë, A.R u lokalizua së bashku me vëllain e tij A.R, 48 vjeç, në shtëpinë e shtetases E. S, 39 vjeçe, bashkëshortja e vëllait të A.S
Vëllezërit dëmtuan një automjet tjetër të A.S i cili ishte i parkuar jashtë shtëpisë, më pas hynë në shtëpi kundër dëshirës së kunatës së tij, duke kërkuar bashkëshortin e saj, i cili ndodhej jashtë Zakynthos dhe me nxitjen e saj për t’u larguar nga shtëpia, ata me forcë kanë kapur fëmijën e saj të mitur për ta marrë me vete, por kjo nuk është bërë e mundur për shkak të mbërritjes së policisë.
Nga hetimet në vendin e ngjarjes fillestare si dhe rreth tij në një zonë të treguar nga A.S, nuk u gjet asnjë armë zjarri apo prova të tjera në lidhje me të, as nuk u konfirmua nga dëshmia e një personi të tretë.
Të plagosurit A.R dhe A.S janë jashtë rrezikut për jetën, ndërsa i plagosuri tjetër po trajtohet për masa paraprake në Spitalin e Zakynthos.
Të tre personat u arrestuan.
