Ditën e sotme pak orë më herët është zhvilluar ndeshja e futbollit ndërmjet ekipeve të kategorisë U-21, Erzeni-Partizani.
Policia nuk ishte e njoftuar për ndeshjen, e cila është shoqëruar me konflikt fizik mes lojtarëve të dy ekipeve. Si pasojë 2 prej tyre kanë përfunduar në spital. Grupi hetimor po punon për zbardhjen e ngjarjes.
NJOFTIMI I POLICISË:
Rreth orës 14:00, në fushën sportive “Tofik Jashari”, është zhvilluar ndeshja e futbollit ndërmjet ekipeve të kategorisë U-21, Erzeni-Partizani.
Organizatorët e ndeshjes nuk kanë njoftuar Policinë për këtë aktivitet.
Në përfundim të ndeshjes, janë konfliktuar fizikisht lojtarët e 2 ekipeve. Si pasojë, janë dëmtuar 2 lojtarë të ekipit Partizani, të cilët janë në kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të ngjarjes.
