Gangsteri shqiptar, John Alite, rrëfeu mbi jetën e tij si pjestar i familjes së mafies italiane Gambino dhe të qenurit krahu i djathtë i John Gotti-t. “Si ka mundësi që je ende gjallë John Alite?”, e ka pyetur gangsterin Arian Çani. Alite është përgjigjur se origjina e tij shqiptare e ka ndihmuar atë që të përshtatet me çdo lloj situate dhe që të mbijetojë. Ai rrëfeu më tej se John Gott-i vazhdon që të ketë frikë nga ai dhe i shkruan letra FBI-së edhe sot e kësaj dite, duke u thënë se mendon se Alite do ta vrasi. “Puna e Gotti-t është që sa herë ka pasur nevojë për diçka ku të hynte arma në punë, ai merrte mua në telefon dhe unë i mbaroja punë.
Ai mbijetoi sepse unë ndryshova jetën time, nuk jam më i pari. Ai është akoma gjallë sepse unë kam ndryshuar jetën time dhe nuk vras më”, tha ai, duke sqaruar kështu arsyen përse është akoma gjallë. Por një nga deklaratat më shokuese që ai ka bërë ka qenë se ai nuk e mban mend numrin e personave që ka vrarë. “Njerëzit kanë bërë plane gjithmonë për të më vrarë, por nuk ia kanë dalë. John Gott dhe avokatët e tij më kanë akuzuar se unë kam vrarë mbi 60 persona, por unë nuk kam pasur një kompjuter atëherë” “Unë nuk i mbaj mend sa kam vrarë, nuk i shënoja. Ato që kanë ndodhur, kanë kaluar”, ka përfunduar ai.
