Që prej shkatërrimit të parcelave të kanabisit, jetesa në Lazarati është bërë e vështirë. Banorët në pjesën më të madhe janë larguar dhe ata pak që kanë mbetur tregojnë se papunësia është mjaft e lartë dhe mundësitë për investime minimale. Si mundësi të ardhurash ata po shohin prej disa kohësh mbledhjen e bimëve medicinave çajin, rigonin, trëndafilin, sherebelën.
Në muajin maj te këtij viti Edi Rama inauguroi investimin që sipas tij do te nxirrte nga varfëria Lazaritin dhe zonat përreth. Shkolla e mesme u kthye në qendër të mbledhjes dhe përpunimit të bimëve medicinale, por nëse shkon sot asaj i është vënë dryni.
Ndërkohë që maxhoranca ka legalizuar kultivimin e bimëve narkotike, banorët e fshatit nuk e harrojnë se 200 burra nga ky fshat u burgosën për kultivimin e këtyre bimëve.
Aktualisht në Lazarat janë rreth 40 familje që sigurojnë të ardhura kryesore prej grumbullimit i bimëve medicinave të cilat i mbledhin në zonën përreth apo malin e Sopotit.
Ndërkohë një prej mësuesve që për 41 vite ka dhënë mësim në dyert e kësaj shkolle, ai tregon se i dhimbset ky institucion ku dikur mësonin rreth 400 nxënës.
Banorët e mbetur në Lazarat i bëjnë një kërkesë publike Ramës të vijë të shohë se si po ecën tregtia e sherebelit apo bimëve të tjera medicinale./Syri Tv
