Sot u inagurua Bypassi i Tepelenës, një vepër infrastrukturore e rëndësishme në jug të vendit. Ndërkohë që ish-deputeti Tritan Shehu sot merret me cfarë erdhi Rama në Gjirokastër, me helikopter apo makinë, dy vjet më parë gënjente publikisht duke thënë se punimet për Bypassin nuk do të nisin kurrë.
“Disa javë më parë tha që brenda një jave do të fillojnë punimet në rrugën Kardhiq-Delvinë, tha që brenda një jave do fillojnë punimet në Bypassin e Tepelenës. Ku jemi? Gënjeshtër me bisht! As ka ndërmend të fillojë kurrë, sepse mendja dhe vizioni është kthyer në mbushjen e një thesi. Kjo qeveri e ndjen veten në ikje dhe do të përfitojë sa më shumë në ikje e sipër”, deklaronte Tritan Shehu më 14 korrik 2018.
Sot ndërkohë Bypassi i Tepelenës është i kalueshëm dhe lehtëson ndjeshëm lëvizjen e automjeteve në aksin Levan-Tepelenë dhe Tepelenë-Gjirokastër.
©argjiroja.net
