Restaurimi i Pazarit të Gjirokastrës po shkon drejt përfundimit me një financim të Fondacionit Shqiptaro – Amerikan të Zhvillimit në vlerën e rreth 2 milionë dollarëve. Qendra më e vjetër e qytetit me vlera të shumta historike, arkitekturore e urbane në shekujt XVIII-të dhe XIX -të shërbente për tregëti dhe prodhime zejesh. Tani kjo qendër me ndërtime karakteritike synohet të kthehet në një zonë turistike. Në disa pjesë punimet ngjallën shqetësim për ruajten e vlerave autentike të ndërtimit, teknikave tradicionale dhe materialeve. Sfidat mbeten ende me kthimin e kësaj zone ku qarkullojnë makinat vetëm për këmbësorët.
Qeveria pezulloi ndërtimin e një nyje rrugore që do të mundësonte lëvizjen e automjeteve duke lehtësuar zonën e Pazarit. Projekti që kalonte në Qendrën Historike që mbrohet nga UNESCO u kundërshtua nga banorët dhe rrethet e specialistëve më me zë të Trashëgimisë Kulturore pasi dëmtonte vlerat historike dhe arkitekturore./voa
