Pas skandalit të transmetuar nga emisioni investigativ ‘Stop’ për gjimnazin “11 Shkuri”, ka reaguar edhe kryetari i Partisë Demokratike në Libohovë, Adil Xhelili.
Përmes një postimi në faqen e tij në Facebook, ai akuzon emisionin dhe thotë se kjo nuk është gazetari. Më tej flet me gjuhën e Tritan Shehut, teksa e quan “pupac” mësuesin Roland Çano, i cili e denoncoi skandalin në “Stop”. Tritan Shehu ndërkohë quan ‘pupac’ deputetët e opozitës që morën mandatet dhe u futën në Kuvend.
“Historia bajate e gjimnazit të Libohovës ka skena e prapaskena, por më të pështirat janë ato kur gazetari e mëson viktimën-pupac të mendojë, flasë, reagojë”, shkruan Xhelili.
Më pas në reagimin e tij ai shfryn mllef ndaj portaleve, në një përpjekje të dëshpëruar për të relativizuar skandalin.
Ndërkohë çuditërisht disa ditë pas bërjes publike të këtij skandali nuk është marrë asnjë masë nga Zyra Arsimore Gjirokastër.
©argjiroja.net
