Në rubrikën “Sy m’sy” kryeministri tha se ai dhe PS-ja nuk japin llogari pse dikush preku pasurinë e përbashkët.
Më tej Rama tha se socialistët e kanë bërë zgjedhjen e tyre dhe janë në anën e drejtësisë.
“Mos harro që hetimet e SPAK-ut i solli përpjekja e rezultati i përpjekjes sime me vetëdije të plotë dhe PS për reformën në drejtësi për të pastruar drejtësinë nga llumi shumë i madh që i ishte mbledhur në fyt Shqipërisë e për të dorëzuar shpatën e ndëshkimit, drejtësisë. Kemi probleme me drejtësinë, por janë probleme të rritjes.
Hetimet duhet më të bëjnë të kuptoj sa i pangopur jam ta shoh Shqipërinë shumë lart, dhe kjo do kohën e vet. Kryeministri e partia në pushtet nuk jep llogari pse njëri e tjetri futën duart aty ku s’duhet e preku pasurinë e përbashkët, por jep përgjigje për mënyrën se si reagon. Ne e kemi bërë zgjedhjen tonë, jemi në krahun e drejtësisë dhe nuk bëjmë avokatinë e askujt”, tha Rama
