Pas fitores së marrë në Kamzë dhe barazimit me Flamurtarin në shtëpi, Luftëtari ju largua zonës së ftohët. Në një kampionat mjaft të egër, ku çdo pikë vlen “flori”, Luftëtari ka nisur që të bëjë llogaritë për merkaton e janarit. Me disa lojtarë që janë me “valixhe në duar”, drejtuesit dhe trajneri Hasan Lika po projektojnë lojtarët që do të afrojnë. Sulmi është reparti që ka hasur më së shumti vështirësi dhe duket se në mënyrë urgjente duhen përforcime për vijnë e parë.
SHKURTAJ – Edhe pse u projektua për t’u bashkuar me skuadrën në verë, për mungesë dokumentacionesh Vasil Shkurtaj nuk ka qenë në dispozicion të stafit teknik, megjithatë 25-vjeçari mund të konsiderohet tashmë një lojtarë i Luftëtarit, pasi do të ketë mundësinë për të luajtur në gjysmën e dytë të sezonit.