Moti i ngrohtë e dielli thuajse gjatë gjithë vitit e bën qytetin bregdetar të Vlorës të jetë një ndër më të frekuentuarit.
Por duket se edhe këtë vit sezoni veror ka nisur herët pasi shumë të huaj kanë shfrytëzuar ditët e ngrohta për plazh.
“Vij nga Anglia dhe më pëlqen më shumë bregu i detit , është shumë bukur nuk e kisha menduar, koha e verës është shumë më e mirë. Këtu ka dhe lokale të bukura. Kështu që ia vlen të vish në këtë vend”, shprehet një turist.
“Vijmë nga Kolumbia .Na pëlqen të marrim pak rreze dielli dhe të shijojmë motin e mirë, këtu ka restorante përpara detit shumë afër qendrës së qytetit, mendoj se në verë do të jetë një vend mjaft i këndshëm për të qenë këtu”, thotë turisti.
Edhe operatorët turistikë konfirmojnë fluksin pranveror të të huajve në qytetin bregdetar. Sipas kreut të operatorëve të jugut Vasil Bedini krahasuar me te njëjten periudhë te vitit të kaluar frekuentimi i hoteleve eshte rritur me 20 %,ndërsa të huajt janë nga vende të ndryshme të Europës.
Një problematikë e hershme, mbetet edhe mungesa e fuqisë punëtore veçanërisht gjatë sezonit veror. Ky vit duket se do të sjellë në Vlorë edhe mijëra punonjës të huaj për infrastrukturën hoteliere./Vizion Plus
