Shtatë bashkitë e qarkut Gjirokastër shpenzojnë në total në një vit rreth 400 milionë lekë të vjetra vetëm për karburant. Të paktën nëse i referohemi të dhënave për vitin 2018, kur këto bashki kanë tenderuar tashmë blerjen e karburantit për nevoja të tyre. Duke u mbështetur në dokumentacionin e secilit tender, ArgjiroLajm.net sjell më poshtë se sa para shpenzon për karburant secila prej këtyre bashkive. ‘Kampione’ është Bashkia Gjirokastër me 122 milionë lekë, e ndjekur më pas nga Bashkia Këlcyre me 88 milionë lekë. Në tabelën më poshtë të dhënat për çdo bashki.
