Pak ditë pas emërimit të Stefan Çipës si drejtori i Përgjithshëm i Burgjeve, kontrolle dhe inspektime ‘blic’ janë zhvilluar në një sërë burgjesh të vendit, ku janë gjetur sende të shumta si telefona celularë, mjete prerëse të improvizara nga të burgosurit dhe lëndë narkotike.
Pjesë e këtij kontrolli ka qenë edhe burgu i Bënçës në Tepelenë. Mësohet se në këtë burg kanë qenë rreth 30 oficerë të sektorit operacional të policisë së burgjeve nga drejtoria e përgjithshme, 20 oficerë nga burgu i Fierit dhe rreth 20 policë të tjerë nga burgu i Vlorës. Por në dallim nga burgjet e tjera të vendit ku u sekuestruan thika, celularë, drogë dhe sende të tjera të ndaluara, në qelitë e Bënçës nuk rezultoi asgjë, aq sa shkaktoi edhe habinë e kontrollorëve. Në burgun e Bënçës janë aktualisht mbi 200 persona që vuajnë dënimin apo qëndrojnë të paraburgosur.
©ArgjiroLajm.net
