Këshilli Kombëtar i Restaurimeve, në mbledhjen e datës 5 shtator 2017, miratoi propozimin e Kryegjyshatës Botërore Bektashiane, që “Teqeja e Melanit”, në fshatin Nepravishtë, të Bashkisë Libohovë, Gjirokastër, të shpallet monument kulture i kategorisë së I-rë.
Vendosur në një pozicion të veçantë historik dhe gjeografik, Teqeja e Melanit është e përbërë nga një kompleks objektesh të ndërtuara mbi akropolin e qytetit të vjetër Ilir. Sot, ky vend shërben si qendër fetare dhe pelegrinazhi për besimtarët myslimanë bektashi si dhe për vizitorë vendas e të huaj.
