Nga Rigels Seliman
Prej disa orësh qytetarët shqiptarë janë në ankth dhe panik, duke derdhur lot e lutur për shpresë, për shkak se mëngjesin e 26 nëntorit Shqipëri u trondit nga një tërmet me magnitudë 6.4 ballë. Ky tërmet shkatrimtar la pas disa viktima, ndërsa shumë njerëz mbetën të plagosur dhe të pastrehë, kryesisht në zonën e Thumanës, Durrësit dhe rrethinat e këtij të fundit. Situata është e rëndë, pasi kjo tragjedi natyrore i gjeti njerëzit të papërgatitur, e mbi të gjitha në pikun e gjumit, ku për rrjedhojë shoku emocional vijon të jetë evident dhe i stampuar edhe sot, jovetëm tek banorët zonave të prekura, por në fytyrën e çdo shqiptari.
Njëri prej qytetarëve shqiptarë që është tronditur dhe sensibilizuar me banorët e zonave të prekura nga tërmeti shkatrimtar jam edhe unë. Teksa shikoja dhe shikoj operacionin e shpëtimit lotët më rrjedhin rrëke, ndërkohë që mendja dhe lutjet shkojnë për viktimat dhe për të mbijetuarit. Njëkohësisht ngre kokën lartë nga qielli dhe i lutem zotit që të mbajë dorën dhe të kursejë jetët e njerëzve, madje edhe shkaktimin e kësisoj tragjedish. Zot i madh të qofsha falë, të lutem mos na shkakto më vuajte, pasi Shqipëria dhe shqiptarët janë mjaft të vuajtur, është një tjetër refren i lutjeve të mia. Dikush më akuzon se jam në panik dhe se lotët e mi janë lot ankthi.
Por jo, asnjë nga këto pretendime nuk qëndron, pasi lotët mi janë lot të një qytetari që ka humbur bashkëkombësit e vetë nga tragjedia që kaploi Shqipërinë mëngjesin e 26 nëntorit. Megjithatë, e rëndësishme është që Shqipëria vijon të jetë e bukur, sikundër e ka krijuar zoti dhe se dukurit natyror si tërmeti i 26 nëntorit, kurrsesi nuk e zbehin trimërinë e shqiptarëve bujar e solidarë. Shqipëria është vend i shenjtë dhe se shqiptarët janë më të bashkuar se kurrë në gëzim e hidhërim, duke i treguar botës se jemi më të mirët, pasi tragjeditë i konosderojmë kolektive, por jo individuale. Rroftë e qoftë Shqipëria dhe mos pafshim kurrë fatkeqësi, teksa lumturia e shëndeti mbretërrofshin në sofrat e çdo shqiptari.
