“Triumph” i Andi Lilës fiton turneun e futbollit në Greqi, shkatërron ekipet e moshave të Pas Janinës

Ekipet e moshave të akademisë Triumph, sukses spektakolar në turneun e futbollit në Janinë. Ekipet e moshave U-13, U-11 dhe U-9, kanë bërë një paraqitje mbresëlënëse duke fituar përballë moshatarëve të tyre të skuadrës së Elitës Greke, Pas Ianina. Turneu i organizuar nga ish-lojtari i Pas Janinës, bashkëdrejtuesi akademisë, Triumph, Andi Lila.

Ekipi i moshës U-13, drejtuar nga trajneri Juli Prifti dominoi totalisht moshatarët grekë që luajnë në supërligë, megjithëse ndeshja përfundoi 2-2, me një autogol aksidental në minutat shtesë.
Spektakolar ishte skuadra e moshave Umder 11, të cilët dominuan totalisht ekipin e Pas Janinës duke korrur një fitore spltakolare me rezultatin 10 me 1 duke.

Ekipi i drejtuar nga Mateo Metaj, dhuroi spektakël dhe gola të bukur duke mahnitur specialistët e klubit të njohur grekë.

Qershia mbi tortë ishte fitorja e skuadrës Under 9, të cilët shkatërruan me një 10 me 0, moshatarët e tyre të Pas Janinës. Skuadra e drejtuar nga Bjorn Aliaj, shkëlqeu duke përmbyllur një turne me sukses të jashtëzakonshëm.

Ndërkohë që fitore të jashtëzakonshme të tre grupmoshat korrën ndaj skuadrave respektive të skuadrës tjetër greke, Apolon Ioaninon duke shënuar një sukses të jashtëzakonshëm ndërkombëtar për akademinë Triumph drejtuar nga ish-lojtari i kombëtares Andi Lila dhe ish-futbollisti i njohur Endri Renxa.