Në fund të muajit nëntor Universiteti ‘Eqrem Çabej’ në Gjirokastër kishte hapur garën për një tender me vlerë 20 milionë lekë të vjetra për blerje librash të rinj. Por së fundit mësohet se universiteti është tërhequr nga ky tender, ‘për shkaqe që dalin jashtë kontrollit të autoritetit kontraktor dhe të paparashikueshme në kohën e fillimit të procedurës së prokurimit’, thuhet në njoftimin e këtij institucioni.
Më konkretisht, tenderi është anuluar pasi Fakulteti i Shkencave Natyrore ndryshoi listën e librave të kërkuar. Po ashtu edhe Biblioteka paraqiti kërkesa për shtesë librash në gjuhën. Pritet që procedurat të rifillojnë edhe njëherë. Blerja e teksteve të reja është lënë si ‘detyrë shtëpie’ për universitetin edhe nga grupi i jashtëm i akreditimit, i cili bëri vlerësimin rreth një vit më parë.
©ArgjiroLajm.net
