Është arrestuar pronari i pishinës në Gjirokastër, ku sot humbi jetën një 15-vjecar. Mësohet se i arrestuari është shtetasi, Ermal Koko.
Arrestimi i tij është bërë me urdhër të prokurores, Nertila Myftaraj.
15-vjeçari Arber Peçi kishte shkuar me shokët për t’u larë në pishinë dhe pas kontaktit me temperaturën e ujit, nuk është ndjerë mirë, duke mbetur në fund të pishinës. Infarkti dyshohet se është shkaku i vdekjes se adoleshentit, megjithatë pritet dhe raporti mjeko-ligjor.
I mituri shkoi në pishinë nën shoqërinë e dy shokëve të tij. Mësohet se pas ngjarjes, nisën hetimet edhe ndaj subjektit me pishina, për mos-përmbushjen e kushteve për funksionimin e saj dhe sigurinë e qytetarëve, me instruktorë apo ekspertë shpëtimi në rast rreziku.
Deri tani raportohet se janë shoqëruar në Polici edhe shtatë persona të tjerë, prej të cilëve dy shokët e të ndjerit dhe anëtarë të personelit të pishinës.
