Një rast vjedhjeje është regjistruar në fshatin Hormovë, ku një 38-vjeçar është shpallur në kërkim nga policia, si i dyshuar për marrjen e bizhuterive në një banesë.
Sipas njoftimit të Policia e Shtetit, specialistët për Hetimin e Krimeve të Komisariatit të Policisë Tepelenë kanë referuar materialet në Prokurori dhe kanë shpallur në kërkim shtetasin K. H., alias J. H., banues në Memaliaj.
Nga hetimet paraprake dyshohet se 38-vjeçari, gjatë ditës së djeshme, ka vjedhur disa bizhuteri në banesën e shtetasit me iniciale Sh. I., në fshatin Hormovë.
Blutë bëjnë me dije se vijon puna intensive për kapjen dhe vënien përpara përgjegjësisë ligjore të autorit të dyshuar.
Materialet procedurale i janë referuar Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme hetimore.
