Zgjedhjet lokale, Rama mbledh në Durrës për dy ditë kryetarët e bashkive dhe drejtuesit e qarqeve

Kryeministri Edi Rama do të mbledhë në qytetin e Durrësit kryebashkiakët dhe drejtuesit e Partisë Socialiste në qarqe. Mbledhja do të bëhet në datat 7-8 tetor dhe në fokus të bisedimeve do të jenë zgjedhjet lokale të vitit 2023. Po kështu ky takim do të jetë edhe një lloj retreat me kryetarët e bashkive, i ngjashëm me atë që u zhvillua në muajin korrik në Pogradec. Kujtojmë se kreu i qeverisë u takua mëngjesin e së hënës jo formalisht edhe me presidentin Bajram Begaj. Në fokus të bisedës ishin zgjedhjet e kësaj pranvere. Tashmë pritet që kreu i shtetit të takohet edhe me krerët e Grupeve Parlamentare për të diskutuar rreth datës së zgjedhjeve lokale, 2023.