“SPAK-u, një mitraloz i pavarur që godet majtas, djathtas.” Kështu e cilësoi kryeministri Edi Rama Prokurorinë e Posaçme mbrëmjen e kësaj të mërkure, teksa po fliste për arrestimet. Rama tha në emisionin “Opinion” se SPAK-u po bën atë që nuk ka ndodhur më parë, po godet nga të gjitha anët.
“Përgjegjësia morale e imja është vetëm një, të bëj gjithçka kam në dorë që ky vend të bëhet me drejtësi. Pushteti politik të tërhiqet nga çdo drejtim me drejtësinë. Ka një fakt, që është shumë kokëfortë që nga viti 1912 kur është ngritur flamuri. Deri kur reforma në drejtësi, që e udhëhoqëm ne Partia Socialiste, jo edhe LSI-ja. Erdhi pastaj mbrapa për arsye që i kemi diskutuar. E udhëhoqëm ne, e futëm ne në program në vitin 2013. Që kur ka filluar të zbatohet, persona të lidhur me pushtetin politik janë të marrë nnë hetim, të akuzuar, prapa hekurave. Nuk ka ndodhur kjo ndonjëherë!”, theksoi kreu i qeverisë.
