PD Gjirokastër zgjedh kryetarin: Do përballemi më këtë neodiktaturë. Tani është radha jonë!

Partia Demokratike ne Gjirokaster do te vijoje te drejtohet nga Eri Shehaj. Ne zgjedhjet qe u mbajten sot, ai fitoi perballe kandidatit tjeter Dorian Basha. Ne nje reagim ne rrjetet sociale, Shehaj thote nder te tjera se do te mbeshtese te rinjte. Me poshte reagimi i plote i tij.

Miq të mi, antarë e simpatizantë të Partisë Demokratike dega Gjirokastër! Më lejoni t’ju shpreh mirënjohjen time më të thellë për besimin për herë të dytë në drejtimin e degës së PD.
Dua të falënderoj së dyti Dorianin për garën qytetare dhe dinjitoze dhe vlerën e vërtetë që i dha asaj. Po kështu falënderoj me përzemërsi çdo antar që u bë pjesë e këtij procesi, komisionerët, të deleguarit.

Kjo garë e re, pas ndryshimeve që ndodhën na risjell në pikën ku duhet të rikuperojmë çdo gabim të mundshëm të së kaluarës, të riformatojmë kryesinë e sekretariatet me njerëzit më të devotshëm, të përgatitemi seriozisht në çdo seksion për zgjedhjet e 2025 që nuk do jenë të lehta por jo të pamundura.

Unë do të jem promovues i të rinjve, do të jem krah tyre duke gërshetuar energjinë me mençurinë e “senatorëve” të partisë sonë. Kështu që ftoj këdo të angazhuar apo jo, të qejfmbetur apo jo, të bëhemi bashkë e të përballemi me këtë neodiktaturë që na rrezikon çdo ditë. Tani është radha jonë!