Një ngjarje e rëndë ka ndodhur në një familje shqiptare në Selanik këtë të diel. Një 46-vjeçar shqiptar ka vrarë me thikë bashkëshorten e tij 60 -vjeçare dhe ka plagosur djalin e tyre, i cili ndërhyri për të mbrojtur nënën.
“Protothema” shkruan se ngjarja thuhet se ka ndodhur në shtëpinë e rrënuar të familjes ku jetonte shqiptar dhe gruaja e tij rome. Në debat e sipër 46-vjeçari ka marrë një thikë dhe ka goditur për vdekje gruan.
Lëndime ka marrë edhe djali 29-vjeçar, i cili u fut në mes duke tentuar t’i ndajë. Autori është arrestuar nga efektivët e policisë të cilët kanë shkuar në vendngjarje pas njoftimit.
