Një 17-vjeçar plagosi me thikë një bashkëmoshatarin e tij, pas një konflikti që pati mes tyre. Ngjarja ndodhi ditën e djeshme në Fier. Shkak u bënë disa foto që autori i ngjarjes kishte publikuar në rrjetet sociale, ndërsa i plagosuri i kërkoi llogari për veprimin që kishte bërë.
Ndërkohë, gjyshja e autorit ka treguar mes lotëve për mediat se nipi i suaj vuante nga probleme të shëndetit mendor për të cilin kishte pirë dhe ilaçe por se më pas i kishte ndërprerë.
E moshuara në lot ka zbuluar se 17-vjeçari ishte sëmurë prej moshës 5-6 vjeç, teksa zbulon se ishte e ëma ajo e cila aprovoi kurimin e tij në Greqi.
“Ai ka qenë i sëmurë. E trembte e ëma I thoshte të hëngërt kukuvajka. Ai trembej në gjumë. Ishe sëmurë prej moshës 5-6 vjeç. U pre frika kur piu kokrrat u stabilizua, por një shok shkolle i tha të mos i pinte. Nuk dëgjonte të atin që t’i pinte më. Do e vizitonim në Greqi, por nusja nuk e aprovoi”, është shprehur gjyshja e 17-vjeçarit.
Ndërsa sa i përket ngjarjes së djeshme, e moshuara ka rrëfyer atë që dinte nga nipi i saj.
“Dje e kishin thirrur dhe i kishin thënë hajde të shikojmë telefonin. 6 vetë ata, një ky. Ia kishin marrë telefonin. Ai djali që u qëllua e kishte qëlluar me shkelm”, ka treguar e moshuara për ngjarjen e djeshme.
E moshuara ka zbuluar më tej se babai i adoleshentit që goditi me thikë bashkëmoshatarin e tij, Fatmiri, ka shkuar në spital për ti kërkuar ndjesë familajreve dhe djalit të plagosur. Fatmiri pohon se djali i tij është i sëmurë, është kuruar edhe në Tiranë, por mjekimin ia kanë ndërprerë.
