Tre shtetas shqiptarë dhe një grek janë arrestuar në Athinë nën akuzën e trafikut të kokainës. Sipas drejtorisë së anti drogës së Atikës, 4 të arrestuarve iu sekuestrua sasi prej 9.3 kg kokainë e pastër, si dhe një sasi prej 900 gramë kanabis.
Mësohet se lënda narkotike ishte e fshehur në një automjet taxi të cilën e përdorte njëri prej shtetasve shqiptarë, ndërsa prej kontrolleve në banesat e të dyshuarve u gjetën edhe sasi të tjera të drogës, peshore dhe dy pistoleta.
Policia thotë se të arrestuarit e sillnin drogën nga Shqipëria dhe e shpërndanin në Athinë.
Ata do të dalin para gjykatës për tu njohur me masën e sigurisë, ndërsa hetimet do të vijojnë prej anti drogës së Atikës.
