Protesta e shtatë radhazi e mbajtur sot para Kryeministrisë kishte më pak pjesëmarrje, por me të njëjtat kërkesa të cilat sot për herë të parë le të themi që u formalizuan disi dhe u grupuan për të reflektuar të gjitha nevojat e grupeve të interesit.
Kërkesat i lexoi aktivisti Adriatik Lapaj, i cili njoftoi gjithashtu edhe se qeverisë i është lënë afat deri të shtunën për t’i plotësuar. Më pas protesta do të vijojë pa afat. Të shtunën paradite është thirrur manifestimi tjetër i madh. Protestuesit sot mbanin nëpër duar edhe pankarta e fotografi të gazetarëve dhe analistëve që e kanë kritikuar protestën e tyre. Më i fundit ishte një natë më parë Baton Haxhiu në emisionin “Opinion”, i cili i cilësoi të turpshme këto protesta.
Protestuesit kërkojnë ulje të cmimit të naftës, minimum jetik, heqje të TVSH-së për produktet e shportës etj. Shihni përmes fotove të LSA cfarë ndodhi në protestën e sotme.
