Policia e kryeqytetit ka zbuluar një tjetër “fole prostitucioni”, duke vënë në pranga dy vajza të reja nga Kazakistani.
Dy të rejat akuzohen se ushtronin prostitucion në një apartament të marrë me qira, në rrugën “Çamëria”.
“Shërbimet e Komisariatit të Policisë Nr. 3, bazuar në informacionet e siguruara për një rast prostitucioni, kanë organizuar dhe finalizuar në drejtimin e Prokurorisë së Tiranës, operacionin policor të koduar ‘Foleja 4’.
Në kuadër të operacionit u vunë në pranga shtetaset kazakistaneze K. Zh., 19 vjeçe dhe Zh. Sh., 25 vjeçe, pas nga hetimet rezultoi se ushtronin prostitucion, në një apartament që e kishin marrë me qira, në rrugën ‘Çamëria’.”, bëjnë me dije uniformat blu.
Gjatë këtij operacioni u sekuestrua një shumë parash e dyshuar e përfituar nga kjo veprimtari dhe 2 celularë. Gjithashtu, nisi procedimi penal për një shtetas 33-vjeçar, përfitues nga kjo veprimtari.
