Një ngjarje e rëndë me pasojë vdekjen ka ndodhur në Itali. Një 67-vjeçar ka humbur jetën, pasi kamioni që ai drejtonte është përmbysur në mes të autostradës A1 Milano-Napoli. Mësohet se aksidenti ka ndodhur paraditen e së mërkurës, rreth orës 11:00, teksa shoferi shqiptar po transportonte materiale plastike. Ende nuk janë bërë me dije shkaqet e aksidentit apo identiteti i viktimës. Si pasojë e aksidentit, autostrada u bllokua për disa orë.
