Prangoset në kufirin shqiptaro-grek me 98 kilogramë hashash shoferi shqiptar. 34-vjeçarit iu gjetën dhe 955 euro. Sipas informacioneve shoferi shqiptar identiteti i të cilit ende nuk behet i ditur udhëtonte me linjën Sarandë –Athinë.
Autobusi ndodhej në autostradën Kakavia-Ioannina në afersi të Kalpaqit, në momentin që është ndaluar dhe kontrolluar në vendin e bagazheve. Aty u gjetën dy çanta udhëtimi që përmbanin 16 qese të kanabisit të papërpunuar me një peshë totale prej 97 kg dhe 750 gram.
Shoferi 34 vjeçar u arrestua dhe iu gjetën edhe 955 euro, dy dollarë amerikanë dhe dy telefonë celularë të cilat gjithashtu u konfiskuan sëbashku me autobusin. Ndërkohë ai është dërguar në Prokurorinë e Shkallës së Parë të Janinës, për gjykim të mëtejshëm.