PD thotë shpesh se protestat e saj janë protesta mbarë qytetare, por në në fakt e vërteta është ndryshe. Të paktën për qarkun Gjirokastër. Njerëzit që dalin në protesta janë vetëm militantë të PD-së. Kjo u vu re edhe dje në bllokimin e rrugës Tepelenë-Përmet-Gjirokastër. Sic shihet në videon që sjell Argjirolajm.net protestuesit zor se bëhen me shumë se 100-150 persona. Dhe të mendosh që kjo është protestë në rang qarku, ku përfshin Gjirokastrën, Tepelenën, Përmetin, Këlcyrën, Memaliajn, Dropullin e Libohovën.
Natyrisht që tregues në një protestë është edhe numri i pjesëmarrësve. PD nuk i ka numrat në shesh, PD dhe opozita në tërësi nuk frymëzon dot ende. Kjo nuk do të thotë se shqiptarët janë të kënaqur me Edi Ramën prandaj nuk po dalin në rrugë, por thjesht ata nuk i besojnë opozitës zyrtare dhe kjo është në fakt drama më e madhe. Opozita që do duhej të ishte alternativa e re e pushtetit, këtu është në fakt në ditët e saj më të këqija.
PD ka nevojë për reformim dhe një qasje të re ndaj problemeve me të cilat përballen sot qytetarët. PD ka nevojë për fytyra të reja dhe njerëz që artikulohen ndryshe, njerëz që mund të jenë të besueshëm përballë qytetarëve. Shihni pamjet më poshtë për të parë si është katandisur PD e qarkut Gjirokastër.
©argjiroja.net
