Avokati Adriatik Lapaj foli drejtpërdrejt nga protesta para kryeministrisë për emisionin ‘Task Force’ me gazetaren Sonila Meço per protesten kundër rritjes së çmimit të karburantit dhe produkteve të shportës.
“Antitezë e qartë e kësaj që jemi ne sot. Jemi për ushqimet, dinjitetin, për qytetarët. Nga situata ku qeveria tha se s’kemi gjë në dorë, arritëm që shteti paska të drejtë të ndërhyjë në treg.”-tha Lapaj.
Për reagimin e Ramës i cili tha se qytetarëve duhet t’ju vijë turp që protestojnë kur luftohet në Ukrainë dhe i quajti pro rusë, Lapaj tha se s’kemi ndonjë luftë të shpallur por kemi një mik diku larg duke e mbështetur me pritjen e banorëve të atij vëndi nëse është nevoja.
“Lufta në një shtet shpallet me ligj. Kemi të drejtat tona. Nëse Rama mendon se jemi në nevojat e sakrificat e luftës, i kërkoj nga e gjithë flota e makinave shtetërore, mundemi të kursejmë dhe të heqim makinat e ministrave e me radhë. Do ishte shenjë e mirë nga ana e qeverisë.”-tha Lapaj.
Sa i përket protestës, Lapaj tha se ka një pjesëmarrje të kënaqshme dhe beson tek kauza dhe angazhimi qytetar.
“Numrat janë të rëndësishëm në fakt në këtë vend. U treguan numrat ditën e shtunë, të dielën ishte masive. Këto janë protesta të përditshme. Të shtunën që vjen do marshojmë dhe mund të merret vendim që mos të largohen më pa u dhënë zgjidhje.”-tha Lapaj.