Policia e Sarandës ka vendosur në pranga 43-vjeçarin Ibrahim Duda, i cili dyshohet se ka plagosur me thikë dy vëllezërit e mitur, K. G., 17 vjeç dhe K. G., 19 vjeç. Materialet i kaluan Prokurorisë, për veprime të mëtejshme.
Njoftimi i Policisë:
Finalizohet operacioni policor i koduar “Four”, për kapjen e personave të shpallur në kërkim kombëtar për krime ndaj personit.
Plagosi me thikë 2 shtetas dhe u largua, kapet dhe vihet në pranga 43-vjeçari.
Në vijim të punës për kapjen e personave të shpallur në kërkim, pas një pune të pandërprerë dhe të mirorganizuar, nga shërbimet e Komisariatit të Policisë Sarandë, në kuadër të operacionit policor të koduar “Four”, në lagjen nr.4 Sarandë, u bë kapja dhe arrestimi i shtetasit:
– I. D., 43 vjeç, banues në lagjen nr.4, Sarandë.
Gjykata e Rrethit Gjyqësor Sarandë i ka caktuar këtij shtetasi masën e sigurisë “Arrest në burg”, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”, në lidhje me ngjarjen e ndodhur më datë 24.04.2022, në lagjen nr.4 Sarandë, në rrugën “Mitat Hoxha”, ku shtetasi I. D. ka plagosur me armë të ftohtë (thikë), shtetasit K. G., 17 vjeç dhe K. G., 19 vjeç, jashtë rrezikut për jetën.
Materialet i kaluan Prokurorisë, për veprime të mëtejshme.
NGJARJA
Ngjarja ndodhi pasi dy të miturit e kishin bullizuar Dudën dhe madje i kishin shtypur një qen që ai e mbante me vete. Për këtë mësohet se 43-vjeçari ishte ankuar më parë edhe tek familjarë të të miturve, por ngacmimet kishin vazhduar.
Natën e 24 prillit, Duda, i cili është edhe përdorues i drogave të forta, i goditi dy vëllezërit pas një grindjeje mes tyre në rrugën afër Portit të Sarandës. K. G 17-vjeç u transportua në Tiranë për shkak të plagëve të marra, ndërsa vëllai i tij u mjekua në Sarandë pasi ishte dëmtuar lehtë.