Një zjarr i madh ka përfshirë një banesë muzeale dy katëshe në lagjen “Dunavat” në qytetin e Gjirokastrës. Në vendngjarje kanë shkuar forcat e PMNZSH për të ndërhyrë me qëllim evitimin e flakëve.
Deri më tani dëmet materiale janë të konsiderueshme ndërkohë që po hetohet për shkaqet e zjarrit. Ndërkohë policia në njoftimin e bërë publik shkruan se dyshohet se zjarri është ndezur nga vajza e shtetasit S. M., e cila vuan nga probleme të shëndetit mendor.
Njoftimi:
Gjirokastër/Informacion paraprak
Në datën 15.04.2022, rreth orës 10:20, në lagjen “Dunavat i Dytë”, Gjirokastër, është djegur plotësisht banesa në pronësi të shtetasit S. M.
Paraprakisht dyshohet se zjarri është ndezur nga vajza e shtetasit S. M., e cila vuan nga probleme të shëndetit mendor. Nuk ka persona të dëmtuar. Grupi hetimor po punon për zbardhjen e rrethanave të ngjarjes.
