Trëndafila të bardhë, qirinj, dia sende personale dhe mesazhe ngushëlluese janë vendosur në vendin ku ndodhi aksidenti tragjik në Kefalonia në Greqi, ku për fat të keq humbi jetën 17-vjeçari shqiptar. Ngjarja e rëndë ndodhi mesditën e 11 prillit në zonën e Lassi Argostoli në Kefaloni të Greqisë.
Makina në të cilën ndodheshin 4 të rinj shqiptarë shpërtheu në flakë e për pasojë 17-vjeçari ka gjetur vdekjen pasi nuk ka arritur të dalë nga makina. Lamtumira e fundit Fabios do t’i jepet nesër të enjten në orën 15:00, në Kishën e Shenjtë Metropolitane të Argostolit.
Ndërkohë në pranga ka rënë 19-vjeçar i shqiptarit pasi ishte ai që po drejtonte makinën në momentin kur ndodhi aksidenti i rëndë. 19-vjeçari, i cili u arrestua nga policia pas ngjarjes tragjike, përballet me akuzën e vrasjes nga pakujdesia. Sipas mediave greke ai ishte shok i 17-vjeçarit dhe ditën që ndodhi ata kishin mbaruar mësimin dhe kishin dalë gjiro me makinë nëpër qytet.
