Militantët e PD-së nga qarku Gjirokastër bllokuan rrugën pranë kryqëzimit që të çon në Përmet për rreth dy orë. Protesta e tyre ishte e sinkronizuar me protestën e opozitës në mbarë vendin. Duke folur para protestuesve, një prej militantëve të PD-së vlerësoi lart kryetarin Lulzim Basha.
“Ne demokratët shumë shpejt do të fitojmë sepse në krye kemi idhullin, spektakolarin që ndrin në gjithë botën, europianin Lulzim Basha”, thërriste me altoparlant militanti demokrat.
Gjatë bllokimit të rrugës pati edhe incidente. Dasho Aliko, kryetari i PD Gjirokastër, debatoi me drejtuesit e policisë të cilët i kërkuan hapjen e rrugës. Ndërkohë një qytetare e cila po udhëtonte me autobus, zbriti dhe nisi t’u hakërrehej militantëve të PD-së. Disa herë me radhë ajo thirri: “Turp, turp… nuk merret vota me dhunë”. Shihni pamjet më poshtë që sjell Argjirolajm.net
