Kryeministri Rama ka nisur mbledhjen e planifikuar pasditen e sotme në ambientet e ish-vilës së Enver Hoxhës, në zonën e Bllokut në Tiranë.
Në takim kanë marrë pjesë anëtarë të shtabit elektoral të PS dhe grupet e komunikimit, të cilët do të merren me organizimin e fushatës elektorale, për zgjedhjet e 30 qershorit. Të parët që kanë mbërritur në vilën 31 ishin kreu i Kuvendit Gramoz Ruçi dhe ministrat Blendi Klosi e Ogerta Manastriliu.
Ndërkohë që socialistët përgatiten për nisjen e fushatës elektorale në 1 qershor në Tiranë, dhe në datë 2 në Lezhë aty ku do të prezantohet kandidati i PS për bashkinë e këtij qyteti, opozita do të zhvillojë protestën e shtatë kombëtare poshtë zyrës së Ramës.
