Një ngjarje e rëndë ka ndodhur mbrëmjen e së premtes në Gjirokastër, kur një 21-vjeçar u plagos me thikë dhe u dërgua në gjendje të rëndë në Spitalin e Traumës në Tiranë.
Sipas asaj që raporton policia, autori L. Dh., 29 vjeç, banues në Gjirokastër, është arrestuar në flagrancë, teksa në cilësinë e provës materiale u sekuestrua mjeti prerës (thikë).
Gjatë një konflikti të çastit për motive të dobëta, 29-vjeçari ka goditur me mjet prerës (thikë), shtetasin L. H., 21 vjeç, banues në lagjen “Kodra e Shtufit”, i cili aktualisht ndodhet në spitalin e Traumës, Tiranë, në gjendje të rëndë shëndetësore.
NJOFTIMI I POLICISE
Në vijim të informacionit paraprak të dhënë mbrëmjen e djeshme, për ngjarjen e ndodhur në lagjen “Kodra e Shtufit”, ju informojmë se specialistët për Hetimin e Krimeve të Rënda në DVP Gjirokastër arrestuan në flagrancë për veprën penale “Plagosja e rëndë me dashje”, shtetasin L. Dh., 29 vjeç, banues në Gjirokastër, pasi gjatë një konflikti të çastit për motive të dobëta, ka goditur me mjet prerës (thikë), shtetasin L. H., 21 vjeç, banues në lagjen “Kodra e Shtufit”, i cili aktualisht ndodhet në spitalin e Traumës, Tiranë, në gjendje të rëndë shëndetësore. Në cilësinë e provës materiale u sekuestrua mjeti prerës (thikë). Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
