Ish-kryeministri italian Matteo Renzi, një mik i Edi Ramës dhe që sot drejton një parti të vogël në vendin fqinj ka komentuar marrëveshjen për emigrantët mes dy vendeve gjatë një interviste për televizionin La7.
Renzi bëri kritika të shumta për Giorgia Melonin duke e quajtur aventurë dhe shpenzim të kotë atë që ajo po bën me kampin e Gjadrit, por theksoi se Shqipëria nuk është një vend i sigurt. Për këtë ai solli në vëmendje pamjet e arrestimit të ish-presidentet të Shqipërisë, Ilir Meta.
“Ne e dimë që Shqipëria ka një standard të ndryshëm. Arrestuan 3 orë më parë ish-Presidentin e Republikës së Shqipërisë. Shikojini pamjet se si e nxjerrin nga jashtë makina atë që ishte President i Republikës. Me emigrantët bengalezë ndoshta do të kenë më pak kujdes” – tha ish-kryeministri italian.
Sipas drejtuesit të partisë “Italia Viva” është e pamundur që miliona euro të taksapaguesve italianë të shkojnë dëm, në një kohë kur ato fare mirë mund të adresoheshin për problematikat në fusha të ndryshme të jetës socio-ekonomike atje.
