39-vjeçari që pranoi vrasjen e gruas së tij dhe më pas vendosi trupin e saj të pajetë në papafingo të shtëpisë së tyre në Ampelokipi, u arrestua pak para orës 20:00 të së enjtes.
Sipas informacioneve, burri i ardhur nga Shqipëria ka lajmëruar policinë pasditen e së njëjtës ditë dhe ka denoncuar se gruan e ka vrarë me çekiç dhe se e ka në papafingo të shtëpisë së tyre.
Telefonata është bërë pak pas orës 18.00, ndërsa në vendngjarje kanë shkuar zyrtarë të EL.AS. për të zbuluar se çfarë ka ndodhur.
Në shtëpi kishte një erë të keqe që në momentin e parë dhe u konstatua se në papafingo kishte çanta të zeza. Policia u informua menjëherë dhe u kërkua të mos shqetësonin asgjë.
Bashkëshorti i ka thënë policisë se e ka vrarë me çekiç dhe me duar nga xhelozia. Siç pohoi ai, fëmijët në atë moment ishin në shkollë. Nuk dihet nëse është kështu, megjithatë është e sigurt se gjatë gjithë këtyre ditëve fëmijët lëviznin nëpër shtëpi.
