Një ditë pas intervistimit të kandidatëve në garë për 12 kryepolicët e qarqeve në të gjithë vendin, Komisioni i Vlerësimit të Aplikimeve, i përbërë nga tre drejtues të lartë të Policisë së Shtetit, shpalli ditën e sotme (10 nëntor) emrat e kandidatëve dhe pikët e fituara nga ata.
Sipas asaj që bëmë me dije dhe më herët 12 emrat të cilët kanë arritur të “rrëmbejnë” më tepër pikë dhe qëndrojnë në fillim të listës janë pretendentë për tu emëruar nëpër drejtoritë e qarqeve.
Nga emrat e publikuara këtë të diel nga Policia e Shtetit vumë re se asnjë nga drejtorët të cilët deri më tani kanë qenë në krye të Policisë së Shtetit nëpër qarqe nuk bën pjesë në “listën e sigurt” të fituesve. Një prej tyre është edhe kryepolici i Tiranës, Tonin Vocaj i cili ka arritur të marrë 72 pikë, duke u radhitur në vendin e 14-të.
Sipas rregullores, ata që kanë grumbulluar mbi 70 pikë nga procesi i vlerësimit kanë të drejtën të emërohen si drejtues të rinj të qarqeve. Nga vlerësimi, 15 kandidatë kanë arritur të kalojnë pragun e 70 pikëve, ndërkohë nga këta pritet të zgjidhen 12 dhe do të jetë kryepolici Ilir Proda i cili do të bëjë dhe përzgjedhjen finale.
Drejtorët e Policisë nëpër qarqe deri më tani:
Drejtori i Drejtorisë Vendore të Policisë Tiranë: Drejtues i Parë Tonin Vocaj
Drejtori i Drejtorisë Vendore të Policisë Fier: Drejtues i Parë Lorenc Panganika
Drejtori i Drejtorisë Vendore të Policisë Elbasan: Drejtues Ilir Proda ( I cili prej tetorit të këtij viti mban postin e Drejtorit të Përgjithshëm të Policisë së Shtetit)
Drejtori i Drejtorisë Vendore të Policisë Berat: Drejtues i Parë Kastriot Skënderaj
Drejtori i Drejtorisë Vendore të Policisë Dibër: Drejtues Dhimitraq Ziu
Drejtori i Drejtorisë Vendore të Policisë Kukës: Drejtues i Parë Arben Dashi
Drejtori i Drejtorisë Vendore të Policisë Vlorë: Drejtues Ermal Muçaj
Drejtori i Drejtorisë Vendore të Policisë Gjirokastër: Drejtues i Parë Ardian Çipa
Drejtori i Drejtorisë Vendore të Policisë Korçë: Drejtues i Parë Gjovalin Loka
Drejtori i Drejtorisë Vendore të Policisë Durrës: Drejtues i Parë Skënder Hita
Drejtori i Drejtorisë Vendore të Policisë Shkodër: Drejtues i Parë Edmond Sulaj
Drejtori i Drejtorisë Vendore të Policisë Lezhë: Drejtues Alfred Elezi
12 kandidatët me pikët më të larta në garën për drejtues qarku:
1-Vilson Ilir Bala
2-Elidon Ushtar Çela
3-Elton Dilaver Alushi
4-Fatmir Preng Lleshaj
5-Fatmir Resmi Hoxha
6-Luigj Pjeter Vathi
7-Gentian Habip Berberi
8-Altin Miftar Mena
9-Altin Bashkim Merizaj
10-Erion Bashkim Ahmeti
11-Artion Apostol Duka
12-Gazment Qemal Shehu
13-Gjovalin Bardhok Loka
14-Tonin Tom Vocaj
15-Skënder Agron Hita
Pas emërimit të Iir Prodës në krye të Policisë së Shtetit, gara u hap edhe për drejtuesit e Policisë në 12 qarqe të vendit tonë. Kjo garë ngjalli një interes të lartë tek dhjetëra efektivë dhe çdo kush që mbante gradën drejtues mund të aplikonte për mandatin 3-vjeçar.
Njësoj si për Drejtorin e Policisë se Shtetit, edhe për drejtuesit e policisë në qarqe, u kërkua pastërtia e figurës së kandidatëve. Ky proces përfshiu një analizë të kujdesshme të dosjeve dhe një intervistë me kandidatët e pranishëm.
Komisioni i Vlerësimit, i përbërë nga 3 drejtues të lartë të Policisë së Shtetit, ka kryer vlerësimin e kandidatëve. Kryesuesi i komisionit, Neritan Nallbati, aktualisht Drejtor i Policisë Kriminale, dhe anëtarët Saimir Boshnjaku dhe Pëllumb Seferi, kanë dhënë vlerësimet përfundimtare.
Policia e Shtetit njoftoi se të gjithë kandidatët kanë mundësinë e ankimimit të vendimit brenda një periudhe 2-ditore nga publikimi i tij në faqen zyrtare të institucioni.
